لطميات مكتوبه

من طرف مرح الأحد 21 يناير 2007, 20:48

يا سيوف خذيني

إن كان دين محمدٍ لم يستــــــقم إلاّ بقتلي يا سيوف خذيــــــني
* * *
ما أنــــــــسه يــــــوم اللي وگف سبط الرســــــول ايــــــــنادي
أمـــي البتــــــــول ووالــــــــدي حيدر وجــــــــدي الهــــــــادي
توحــــــــيلي آفـــــــاق النـــفس عن موضـــع استشهــــــــادي
والموت حــــــــل ابساحــــــــتي لاح وگــــــــــرب ميعــــــــادي
إن كانت الآجــــــال خطت للفتى فالسيف أولــى أن يحزَّ وتيني
* * *
لاحت مراســــــــيل الأجــــــــــل والموت اصبــــــــح حتـــــمي
وانچان ديــــــــن المصطـــــــفه مـــا يحــــــيا إلاّ ابأســــــــمي
هاك اخذ يــــــا رب العــــــــرش روحي وحــــــــياتي ودمــــي
خل تسجد ســـــــيوف العـــــــده ومحراب يصــبح جســــــــمي
إنّي أرى في كربلاء منيــــــــتي يا موت خذ بيــدي ولا تبقيني
* * *
عيشة مذله اويــــــه الظــــــــلم هذا العـــمر مــــــــا ريــــــــده
واليلــــــتزم عــــــز النــــــــفس ابذله العــــــــــــــــمر شيفـيده
باچــــر الأجـــــــيال التــــــــجي موقف صمــــودي اتعــــــــيده
وتگول ســــــبط المصطــــــــفه للذله مــــــا مــــــــد ايــــــــده
لا ريب إنّــــــــي ذاهـــب لمحمّدٍ أمضي بـــــلا غسل ولا تكفين
* * *
للـــباري ميثــــــــاق اكتــــــــبت للسيف اقــــــــدم نحـــــــــري
أفــــــــدي المــــــــبادئ بالعــمر والدين أعز مــن عــــــــمري
اكـــتب مناهــــــــج ثورتــــــــي بـــدم الوريـــــــد اليــــــــجري
ميهمــــــــني لـــــو ديني انتصر والخيل تسحــگ صــــــــدري
الدين أغلى من حشاشة مهجتي يفدى بكلِّ ثمنــــــــيةٍ وثمـــين
* * *
من أجل ديــــــــني وعــــــــزتي هيــــــــهات أذل واخــــــــضع
أختار لو عــــــــيشه ابشـــــرف لو أنــــــــذبح بالمصـــــــــرع
ما يهم لـــــو فــــــــوگ الأرض اتــــــــــــــــوذر وأتگــــــــطع
من بعــــــــدي امـــــــلاك السمه لمصابــــــــي تجـــري المدمع
هذا مكان الذائدين عــــن الحمى هاذي مصارع إخوتي وبنيني
* * *
خلونــــي وحـــــدي بكربــــــــلا بالعطش گلـــــــبي اتوجــــــــر
أنـــــــظر كفــــــــيل العــــــــايله يم الشريعــــــــه امــــــــــوذر
وگــــــــبال عــــــــيني منصــرع عالأرض جسم الاكـــــــــــــبر
وجسام جسمه اعــله الثــــــــره بذاري الطـــــفوف امعــــــــفر

فبقيت فرداً لا معـــــــين يرتجى يا ربي أنــــــت بقيتي ومعيني

* * *
ما ظل معــين مــــن البــــــــشر ولا ناصــــــــر الينصـــــــرني
يا ريت عـــودي المــــــــرتضى بهذا الوضـــــــع ينظرنــــــــي
سيوف وعــــــــواسل مشـــرعه تريد العــــــــــــــــده اتوذرني
عالأرض دمي لـــــــو جــــــــره بسبي الحــــــــرم يخــــــبرني
تلك الأرامل سوف يهدى رحلها من كف طاغيةٍ لكف لعـــــــين
* * *

من طرف مرح الأحد 21 يناير 2007, 20:49

الزهراء في كربلاء

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها

اجت أم البنين الأربعة الأقمار * يم قبر الوديعة بضعة المختار
اجتها محملة هموم وقصص وأكدار * ثبت الها بدمعها أفجع الأخبار

هالطاهرة المنفجعة * تحكوا يا قبر البضعة * تشرح هضمها بدمعتها
زادت محنها * لمصاب ابنها

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها

وشهقت على القبر شهقة قلب لهفان * صاحت والضمير مسجر بنيران
يا الزهرة بناتج اجن للأوطان * لكن ما اجن وياه هني الي وياه

وحدة على فقد اخوتها * تبكي وتهل عبرتها * دايب قلبها ومهمومة دايب قلبها
وحدة لفقد ضنوتها * ما بطلت ونتها * دايب قلبها ومهمومة * دايب قابلها

فايض جفنها * لمصاب ابنها

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها

من صوت الوديعة ارتفع صوت مصاب * يا أم البنين الأربعة الأطياب
حضرت روحي بالطف تحرس الغياب * شفت كل ما جرى على أولاد داحي الباب

شفت البنين الأربع * كل من ذبيح بمصرع * دمه يتجاره على الغبرة * دمه يتجاره
شفت القمر بالمضرع * جسمه الشريف موزع * دمه يتجاره على الغبرة * دمه يتجاره

صبرت أظنها * لمصاب ابنها

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها

لن أم البنين تجاوب الزهرة * هاللأربع بنين الهوو على الغبرة
مو هم لون هالعالم بأسره * ما توفي من دم سبط النبي قطرة

دم أبنج الي يتجاره * قلبي ترك آثاره * فرقة بنيني ما تهمني * فرقة بنيني
حين أسمعت أخباره * دلالي هاجت ناره * فرقة بنيني ما تهمني * فرقة بنيني

شاركها ونها * لمصاب أبنها

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها

يا بضعة محمد هذا دمع العين دم يجري * وريد حسين
وآنه يا الوديعة تحيرت ما بين * رميات المصيبة ونايبات البين

فقد الصبط دوهني * ما تطفى جمرة وني * تفطر دليلي يا الزهرة * تفطر دليلي
راحو بنيني مني * وحسين فقده يهمني * تفطر دليلي يا الزهرة * تفطر دليلي

واسيها حنها * لمصاب أبنها

أم البنين الحرة * مهمومة تجري العبرة * يم بنت محمد هاليلة
تحكوا يا قبر الزهرة * بالنايحة وبالحسرة * يم بنت محمد هاليلة
شارك حزنها * لمصاب ابنها

****************************************

من طرف مرح الأحد 21 يناير 2007, 20:49

تحجيلك الزوار

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

يلمعتني وتريد ** تاخذ جواب يفيد ** اسمع خبرها
لعيونك من بعيد ** عنها بصراحة تشيد ** يشهد قبرها
لو رايد التوكيد ** عن علة التمجيد ** لوعة لقدرها
وين الأمير يزيد ** والي بمكرها تكيد ** ضايع أثرها

غير الحقد آثار ما عندها ما عندها ** ما نالت الأشرار مقصدها مقصدها
يا أهل الجريمة ** شوفو اليتيمة ** بهيبة عظيمة
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

يل الك حاجة وجاي ** بلهفة قلب عناي ** صادق مرامة
هاي الوجيهة هاي ** وعندها الدوى لكل داي ** الها كرامة
ليه اعتني شجاي ** والمختلف بالراي ** اترك كلامه
صيح بعهد وفاي ** مولاتي يا رجواي ** يوم القيامة

عندك علم وأخبار عن جدها عن جدها ** وبمنزل الأطهار مولده مولدها
متورثة ذاته ** بسيرة حياته ** تشهد صفاته
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

لا تعقد التفكير ** طفلة وعمرها صغير ** تجهل فضلها
لو تمتلك تدبير** عندك يقين يصير ** تدرك مثلها
من الله هالتقدري ** الهم صغير كبير ** تقدير اهلها
لا تصطدم وتحير ** هالعبرة للتذكير ** الله جعلها

وبقدرة الجبار أيدها أيدها ** لأهل الوعي تذكار خلدها خلدها
هاي الحقيقة ** للظل طريقة ** أكبر وثيقة **
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

يلتسمع انظر زين ** هاي الكرامة منين ** نالت علاها
طفلة وهضمها البين ** وين أهلي صاحت وين ** رفعت نداها
غمضت جفن العين ** شافت أبوها حسين ** بالطيف اجاها
من صفقة الجفين ** والدمع على الخدين ** واشتد بجاها

زين العباد احتار شاهدها شاهدها ** تبجي وتريد حضار والدها والدها
الدمعة الي تبها ** يلهف قلبها ** واصبح طلبها
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

ولن الأبو المذبوح ** بالطشت راسه يلوح ** فقدت أملها
وبقلب كله جروح ** شبقته ولنها تنوح ** دمعه الي تهلها
طفلة بنظر مشبوح ** من عقبه وين تروح ** تشكي عللها
لنها بجسد مطروح ** غربت عنه الروح ** قرب أجلها

لو شائت الأقدار شيردها شيردها ** بالغربة لمن صار مرقدها مرقدها
الباري بحسابه ** خله الخرابة ** سر الغرابة
مرقدها مرقدها

تحجيلك الزوار ناشدها ناشدها ** يتلالا بالأنوار مرقدها مرقدها
طفلة رقية ** صبح ومسية ** جنة وزهية ** مرقدها مرقدها

**********************************************************

من طرف مرح الأحد 21 يناير 2007, 20:51

وعدك وينه

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

***

ياعباس انت الكافلنه .. وانت الضيغم والصنديد
جيت اشرحلك حال اعيالك .. عطشانه و للماي تريد
أطفالك ما تقدر تصرخ .. صارت توميلك بالإيد
وهذا الشاطي اقبال خيامك .. لا لاتقول الشاطي بعيد
لا تخلينه .. لا تخلينه
بهذا الموقف .. لا تخلينه
تتراجف منك هالجيش .. صابر عن هالموقف ليش ؟

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

***

كلساعه طفله تمر قبالي .. توقف يمني وتحجي وياي
ما افهم منها شماتحجي .. لا اسمع بس جلمه ماي
منهو يصبر هاي الطفله .. حاجيني وباصرني براي
تقعد لو تطلع للشاطي .. بكيفك ظلت يمك هاي
ياوالينه .. ياوالينه
بيدك جودك .. ياوالينه
وانت العارف و الحساس .. ظلت يمك ياعباس

***
وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

***
ما اشرح حال الخدر .. اشرح بس حال الأطفال
طفلين من اطفالك وقفوا .. يحجون بمدمع همال
واحد ينشد من الثاني .. شتقول انته بهذا الحال
يطلع عمنه الماي يجيبه .. لو نبقه بجمر الدلال
يعلم بينا .. يعلم بينا
شاف الحاله .. يعلم بينا
خل نطلع يم عمنه نروح .. و نقله بمقطع مسفوح

***
وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

***
خل أدرك حالة اطفالك .. و اشرح لك حاله الرضعان
كل ساعة اسمع واحد يصرخ .. وامه تحاجيه بأحزان
هاك ارضع من دمعه عيني .. حتى المدمع هم خلصان
ظلت يم عمك يوليدي .. بس هوه اليروي العطشان
شبحت عينه .. شبحت عينه
حتى اليرضع .. شبحت عينه
ما عنده اللسان يحاجيه .. باللسان بدمعه يناديه

***

وعدك وينه .. وعدك وينه
صاحت زينب .. وعدك وينه
ياعباس انت المسؤول .. عن هذا الموقف شتقول

***

شال السيف و هاج و اغبر .. والرايه ترف اعله الراس
صارت ضجه بباب اخيامه .. وحده اتحذره من الأرجاس
وحده تحب جفوفه وتقله .. لا تتأخر ياعباس
وحده تصيح ارجع ياعمي .. لا توليك اشرار الناس
لوظلينه .. لوظلينه
بهاي الحاله .. لوظلينه
بس دمعات العين تزيح .. كل ساعه يسمع طفله تصيح

من طرف Batoul الإثنين 22 يناير 2007, 17:13

السلام عليكم
مشكورة أختي على الجهود المباركة
بارك الله بكم

من طرف مرح الإثنين 22 يناير 2007, 19:33

شكرا الك عالرد الحلو يعطيكي العافيه

مشكورة خيتيي
الله يعطيش العافية
مثابة انشاء الله

مأجورين

بسم الله الرحمن الرحيم

جزاك الله خيرا مرح وبارك الله فيك

وشكرا على اللطميات

سلام

عاشقة حزب الله

لطميات مكتوبه

لطميات مكتوبه

رد: لطميات مكتوبه

رد: لطميات مكتوبه

رد: لطميات مكتوبه

رد: لطميات مكتوبه

رد: لطميات مكتوبه

رد: لطميات مكتوبه

رد: لطميات مكتوبه